Cirque du Soleil show-ah Messi chanchin

Argentina leh Barcelona football mi ropui Lionel Messi chu Cirque du Soleil chanchin show tharah tihlan a ni dawn.

Cirque du Soleil show hmasa lamah hi chuan music lama mi ril Beatles leh Michael Jackson-te chanchin tihchhuah a lo ni tawh a, tun ṭum hi infiammi chanchin an tihlan vawikhatna tur a ni dawn a ni.

Montreal-based group of performing artists-te chuan he show hi 2019-ah world tour neihpui a nih dawn thu tichiang tawhin a hun leh hmun tur te erawh chu tarlan a la ni dawn chauh tih an sawi.

Kum 31 mi Messi chuan Cirque du Soleil chu an chhungkua in an ngainat thu sawiin a chanchin leh a nundan Cirque du Soleil-a tihlan a ni tur chu a makin a ropui a tih thu a sawi. He show hian mipuite a barakhaih dawn tih ka chiang a ni, a ti.

Ballon d'Or vawi ngai lai la tawh tu leh Champions Leagues pawh vawi li lai Barcelona lo lakpui tawh tu hian a chanchin Cirque du Soleil show-a tihlana a awm tur chu ropui a ti hle a ni.

Cirque du Soleil president leh chief operating officer ni bawk Jonathan Tetrault chuan football legend damlai nena an thawkho tur chu thil lawmawm tak a nih thu sawiin football khawvelah phurna thar thlentu a nih a beisei thu a sawi a, Messy legacy tarlan chuan mite thinlung a hneh ngei dawn thu a sawi.

Cirque du Soleil hi Cana­dian entertainment company niin khawvela theatrical producer lian ber an ni.