Thai Wild Boars soccer team-te Hollywood-ah hruai dawn

July thlaa Thailand-a tuilianin a chim, Tham Luang puka ni 20 chuang zet an tan hnua chhan­chhuah, Thailand Wild Boars soccer team-te chu Hollywood-ah hruai an ni dawn a, Nilaini khan Los Angeles an thleng.

Wild Boars soccer team member, kum 11-16 inkar mi 12 te hian an coach hoin US hi an pan a, an cham chhung hian Universal Studio tlawhpuiin, khawpuite fanpui an ni dawn a ni.

Wild Boars team hi 2018 Youth Olympic Games, Argentina rama neih mek chu chhim turin Internatioal Olympic Committee (IOC) chuan a sawm a, Pathianni khan kum 1978-a World Cup final khelhna, Monumental Stadium-ah Argentine club River Palte under-13 team nen friendly match an khel a, mipuite lawm an hlawh hle. Thai mipa naupangte hi inkhelh hmain stadium museum leh changing room-ahte VIP tour neih­pui an ni bawk.

Thailand naupangte hi puk aṭanga chhanchhuah an nih khan khawvelin a ngaihven a, tun thlengin hmun hrang hrang aṭangin zin tura sawmna an dawng hnem hle.