V-Day ah thisen pe tura sàwm i ni

February 14, kar leh Thawhṭanni khi Valentine's Day a ni a, he ní hi hehêu mai mai nan hmang lo a, ṭha tak leh mi dangte tana malsawmna nih theihna hun remchang a awm dawn. Mizorama blood bank hrang hrangah V-Day pual hian thisen pek rûnpui huaihawt a ni dawn a, thisen pe turin sàwm i ni e.

Kum danga an tih ṭhin angin kumina V-Day ah pawh hian Association for Voluntary Blood Donation (AVBD), MSACS leh blood bank-te chuan hmangaihte puala thisen pekna hun, Valentine's Day Blood Donation Camp an buatsaih leh dawn. District hrang hranga blood bank-ah thisen pek rûnpui huaihawt a ni dawn a, district blood bank-te bakah, Synod Hospital, ZMC leh Christian Hospital blood bank-ahte thisen pek theih a ni dawn e.

V-Day puala blood bank hrang hranga thisen peknaah hian thisen petu apiangte hnenah rose mawi tak pek zel a ni dawn. Aizawl Civil Hospital bikah chuan rose pe tur hian Fiona, Zorema Khiangte leh Muansangi Varte ten thisen petute rose an lo hlân hnãp zel dawn a ni. Ei leh in tur tuihnai tak a awm bawk ang.

Valentine's Day-ah hian i hmangaih puala thisen pe turin sàwm i ni. Hripui léng laka invênna fimkhur taka kalpui chungin ruahmanna siam a ni a, V-Day ah ngei mai mi dang tana malsawmna ni turin i kal ve dawn lo'm ni?