Son Ye-Jin leh Hyun Bin an innei dawn

'Crash Landing On You' star pahnih Son Ye-Jin leh Hyun Bin-te chu an innei dawn.

Son Ye-Jin leh Hyun Bin-te hian Ningani khan hemi chungchang hi an puangzar a, Son Ye-Jin chuan Instagram kaltlanga a puanzar laiin Hyn Bin chuan a agency, VAST kaltlangin a puangzar thung.

Son Ye-Jin hian Instagram lamah inneih kawr hanger-a inkhai lai share-in a caption-ah Hyun Bin nena an inneih dawn thu hi a ziak a, fan-te pawh an phur hle. Hyun Bin agency pawhin Son Ye-Jin nena an thlalak chu tarlangin Hyn Bin-a'n an inneih dawn thu a kut ngeia a ziak chu an tarlang tel bawk.

Korean lemchan thiam pahnih hi kum khat vel chu an inzui tawh a, March thla hian Seoul-ah sawm bik tlemte hmaah an innei dawn niin an sawi.