Faktu Krismas music video thar zaninah

Gospel band thar, member erawh mimala zaithiam lar tak tak vek, Faktu chuan an music video pahnihna tur, Krismas music video 'I Lawm ang u' chu an peihfel leh ta a, zanin hian Zonet Cable TV-ah tihchhuah a ni dawn.

Faktu hla thar tur 'I Lawm ang u' hi Sangkhumi Pachuau phuah niin a thluk hi an band siam a ni thung. Music chu Lal K Sailo kut chhuak a ni a, recording chu tunlaia recording studio lun ber pawl  Asafa Studio, Upper Republic-a an tih niin video chu Chiangte Videography kut chhuak a ni bawk.

'I Lawm ang u' music video hi YouTube lamah pawh thlira ngaihthlak theihin a awm nghal beisei a ni.