V-Day thisen pek rûnpui

Vawiin hi Valentine's Day a ni a, he ni pual hian Association for Voluntary Blood Donation, MSACS leh blood bank hrang hrangte chuan Aizawl bakah, district tina blood bank-ah thisen pek rûnpui an huaihawt dawn. Thisen pek rûnpuiah hian chawhma dar 10 aṭangin thisen pek ṭan theih a ni dawn a; a hmunpui ber - Model Blood Bank, Civil Hospital, Aizawlah chuan chawhma dar 11-ah hawnna hun hman tur niin, medical superintendent Dr Lalhmuchhuaka'n a hawng ang. Civil Hospital-ah hian Fiona, Zorema Khiangte leh Muansangi Varte ten thisen pete hnenah rose an pe zel dawn a ni.