Voltas Malsawma House Ṭhazual Lengzem ; ‘Suangtuah hmun’ thlengtu Mood Station

Voltas Malsawma House Ṭhazual Lengzem chart-ah Mood Station chuan an hla mawi tak 'Suangtuahna hmun' chu pakhatna an nihpui.

'Suangtuah hmun' chu...
Mizo rock band ṭha ber zinga mi Mood Station-in chart topper an rawn nihpui 'Suangtuahna hmun' hi nikum November thlatir tea an tihchhuah kha a ni a, music video mawi tak nen an chhawp chhuak a ni.

He hla hi khawthlang lama Mood Station genre rock band dangte hla nena khaikhin pawha hla zahpuiawm lo tak leh music pawh belhchian dawl tak a ni a, chart-a topper a ni hi a phu hle. Music video-ah Mizo film star lar ber zinga mi Rosangpuii a inlan a, music a mawi a, video a hmuhnawm a, a hla a mawi bawk. Ngaihthlak manhla tak a ni.

Zofate duhzawng tak hla a ni a, la ngaithla fuh lo tan pawh ngaihven chi viau.

Pahnihna leh pathumna sawi ang
Chart hmasa lama palina PC Lalnunpuii 'Ka leng zo lo' chu pahnihna a ni a, chart lehah pakhatna a ni thei dawn em tih hriat a chakawm tawh hle. Lilzo leh David Mawia Chhakchhuak-te thawkdunin an tihchhuah 'Ka kal a hun tawh' chu pathumna a ni thung a, he hla pawh hi kar hmasa kha chuan parukna a ni a, tunah erawh pathumnaah a rawn inhlangkai der tawh a ni.

Chart-a lang hla a mawi hlawm
Ṭhazual chart-a che ṭha ṭhin tak HT Lalthanzami 'Thinlung kawltu' chu palina a ni a, Vri Pautu chuan 'Chunchawi hrai leng' hmangin top 5 a khar. HT Lalthanzami hla tho 'A der mai maw' chu pakuana a ni bawk.

Puipuia & Zomuanpuia 'NorthEast 8 Sisters' chu paruknaah a rawn inhlangkai ve bawk a, Elena HT Par, Marina Varte, leh Jt Prodcution-te pawh chart-ah hian an lang a ni.

Ṭhazual Lengzem chart top 10:
1 Mood Station Suangtuah hmun
2 PC Lalnunpuii Ka leng zo lo
3 Lilzo & David Mawia Chhakchhuak Ka kal a hun tawh
4 HT Lalthanzami Thinlung kawltu
5 Vri Pautu Chunchawi hrai leng
6 Puipuia & Zomuanpuia NorthEast 8 Sisters
7 Elena HT Par Kha ni kha
8 Marina Varte Pi Pu nunmawi
9 HT Lalthanzami A der mai maw
10 Jt Production A thuk tawh