Kimkimmi Zathang hla hmasa ber ngaithla rawh le

MDM member thar Kimkimi Zathang chuan a music video hmasa ber 'Lung a nuam' tih chu peihfelin MDM library-ah a register fel tawh a, thlira ngaihthlak theihin awm thuai dawn.

'Lung a nuam' hi LS Recording-ah Kimkimi hian a record a, music video chu Joela Pa siam a ni thung a, Lawngtlai lam kut chhuak vek a ni dawn a, Joela Pa leh LS Recording hi an kuthnu a mawi thin bawk a, ngaihthlaka thlir a manhla leh hle ang tih a rinawm. Music chu WB Manners kut chhuak a ni thung.

Kimkimi hla thar hi Nilaini, November 18 hian YouTube lamah a en theih tawh dawn a, Zonet lamah pawh tihchhuah thui a ni dawn a ni.