'Ghostbusters' director Ivan Reitman a thi

'Ghostbusters' film hmasa pahnih director Ivan Reitman chu kum 75 mi niin Inrinni liam ta khan a thi.

Ivan Reitman thih thu hi Thawhṭanni khan a chhungte chuan puangzarin California-a a chenna inah a muhlum niin an sawi a, a fate pathum- Jason, Catherine leh Caroline Reitman-te chuan an pa thih thu hi thuchhuah inṭawm siamin an puangzar a ni.

Reitman hian film eng emaw zat direct-in 'Ghostbusters' chu a larpui deuh ber a, a film direct zingah chuan kum 1997-a tlangzarh 'Fathers' Day' leh 2011-a tlangzarh film lar tak 'No Strings Attached'-te pawh kha a tel. Film eng emaw zatah producer a ni bawk a, Ghostbusters film thar ber nikum lawka tlangzarh 'Ghostbusters: Afterlife' pawh kha a produce a ni.