Covid-19 khuahkhirhna dan tel lohna tur Coachella leh Stagecoach

Khawvela rimawi kût lian pahnih Coachella leh Stagecoach buatsaihtute chuan boruak pangngai thei ang bera festival buatsaih an tum thu sawiin Covid-19 khuahkhirhna tel miah loin festival an buatsaih dawn tih an puang.

Festival lian tham tak pahnih buatsaihtute chuan an buatsaihna hmun tura tualchhung inkaihhruaina siam behchhan thoin health and safety guideline thar an tichhuak a, chutah chuan Covid-19 khuahkhirhna hmun danga an hman ang a tel tawh lo. Chumi awmzia chu festival-a kal turte chuan hmai an tuam a ngai dawn loa, negative certificate emaw vaccine an la ngei tih finfiahna emaw pawh an ken a ngai dawn lo.

Coachella Music & Arts Festival hi kar tawp vawi hnih- April 15-17 leh April 23-25-ahte neih a ni dawn a, Harry Styles, Billie Eilish, Kanye West leh Swedish House Mafia-te chu headline tur an ni. Stagecoach Festival hi April 29-May 1-ah neih a ni dawn a, Carrie Underwood, Thomas Rhett leh Luke Combs-te chu headline tur an ni thung.