Sound from the Hills hla thar zaninah

Sound from the Hills hla thar hi IG Reel competition-in a zui dawn, lo inring rawh le

Rocka Rolla Music Awards 2021-a Best Folk Fusion Band award dawngtu Mizo band Sound from the hills chuan zanin hian hla thar 'Running in circles' an tichhuak dawn a, he hla hmang hian Instagram lamah reel competition an buatsaih nghal dawn bawk.

'Running in circles' hi Sound from the Hills hla pathumna tur a ni a, kum hnih kal ta khan music video hmuhnawm tak nen an debut single 'Stay' chu an tichhuak a, tin, nikum lamah khan Chapchar Kût leh India ram festival hrang hranga an lo perform tawh 'Liandoa te unau' music video chu an tichhuak tawh bawk a ni. Tuna an hla tihchhuah thar tur 'Running in circles' hi lyric video an chhawp chhuak phawt dawn a, an official YouTube channel lamah zanin aṭang hian ngaihthlak tur a awm dawn a, Sound from the Hills ngainatute tan chuan ngaihven thuai chi a ni ang.

IG Reel competition chu...

Zanina an single tihchhuah tur 'Running in circles' hmanga siam tur a ni a, a hlaa an duh lai second 30 hmangin siam tur a ni.

Lam emaw zai emaw keyboard, guitar, drums etc an duh berin emaw hmangin an cover tur a ni a, audio chu Sound from the Hills YouTube channel aṭanga download mai tur a ni dawn a, Video siam zawh a upload hunah Soundfromthehills page tag ngei ngei tur a ni. Hashtag-ah #sfthreelcompetition2022 tih dah tel ngei ngei tur a ni ang. A tiṭha berin Rs 5,000 leh lawmman ṭha tak tak an dawng dawn a, hrechiang dun tan chuan Sound from the Hills Instagram lamah zawh chian mai tur a ni.

Sound from the Hills hian nikuma Rocka Rolla Music Awards 2021 leh Lelte Awards an dawn bakah nominee zingah te an tel avangin a lawmna nipah fawmin competition hi an buatsaih tih Vanglaini an hrilh.