'Dune' chhunzawmna nipuiah chang ṭan dawn

Oscar award dawng mai thei dinhmuna ding mek, sci-fi film hit 'Dune' chhunzawmna 'Dune: Part Two' chu kumin nipui tawp lamah hian an chang ṭan tawh dawn tih director Denis Villeneuve chuan a sawi.

Empire magazine-in an kawmnaah hemi chungchang hi sawiin, Dune chhunzawmna siam leh chu chona lian tak ni mah se an rah tur chin an chiang a, screenplay an peihfel tawh bawk nen, a inringtawk hle tih a sawi. Crew pangngai bawk ka thawhpui leh dawn a, tu pawhin an tihtur an hria. Hriat harsa ber chu tunah chuan hripui leng hi a ni rih, a ti.

Timothee Chalamet, Rebecca Ferguson leh Zendaya-te channa 'Dune' chhunzawmna hi nakkuma tlangzarh turin ruhmanna an siam a ni. 'Dune' hian tunah hian Oscar award sem turah nomination 10 lai hmuin nomination hmu tam ber zinga mi a ni nghe nghe.