Lil Wayne Kum 14 hnuah UK-ah

Lil Wayne chu UK-a Strawberries and Creem Festival-ah a inlan dawn a, hei hi kum 14 hnua UK-a show a neih leh hmasak ber tur a ni.

'Lollipop' hitmaker hi UK mipuite rimawi kût ngaihhlutah hian a inlan dawn a, June 17 leh 19 hian he festival hi neih tur niin Childerley Orchard, Cambridge-ah neih a ni ang. Ella Mai, Mabel leh Tems-te nen show headliner an ni dawn.

Kum 39 mi American rapper hian Grammy award panga lai dawng tawhin, ram hrang hrangah album copy maktaduai 20 chuang a hralh tawh a ni. Kum 2011 khan UK border thuneitute'n visa an pek duh loh avangin UK-a tour a neih tur chu a lo ṭhulh tawh bawk.

Strawberries and Creem Festival buatsaihtute chuan kuminah hian an festival-a a inlan bak hi chu Europe ram dangah show a nei dawn lo tih an sawi.