Fullmetal Alchemist project thar a awm dawn?

Japanese entertainment company Square Enix chuan Nilaini khan Hiromu Arakawa manga/anime hit tak 'Fullmetal Alchemist' manga kum 20 tlin lawmna pualin website thar an tlangzarh.

An website thar tlangzarh hi vengeance-scar.jp tih niin 'Fullmetal Alchemist' manga kum 20 tlin lawmna pual project ṭanin countdown an ṭan nghal a, countdown hi March 2-ah a tawp ang. Website-ah hian 'Fullmetal Alchemist' fan-te hmelhriat zawng tak Scar chu hmuh tur a awm bawk.

Nikum July 12 khan 'Fullmetal Alchemist' manga kum 20 tlin lawmna hi chu neih a ni tawh a, Square Enix hian tunah hian Mobile game ios leh Android-a khelh theih tur an siam mek bawk a, tun nipui chhung hian tlangzarh hman an tum niin Anime News Network chuan a tarlang.