Chris Tomlin-a'n Christmas Worship Tour nei dawn Album thar tlangzarh dawn hnai

Tunlai Gospel singer/worship leader lar ber zinga mi, Grammy award winner Chris Tomlin chuan 'Chris Tomlin Christmas: Christmas Songs of Worship' Tour a neih dawn thu a sawi.

Christmas Tour hi November 30 aṭanga December 16 thleng khian a nei dawn.

Chris Tomlin chuan Tour a neih tur chu hun nghahhlehawm tak a nih thu sawiin, Christmas season awm chhan leh Christmas chu englam nge a nih, engvanga hmang nge kan nih a engvanga chibai buk nge kan ni tih hriat thar lehna tur a ni, a ti.

Tomlin hian October 26 hian studio album thar, 'Holy Roar' tih chu a tlangzarh dawn bawk a, he album hian 2017-a a lehkhabu chhuah 'Holy Roar: 7 Words That Will Change the Way You Worship' chu a kengtel dawn nghe nghe a ni.

Chris Tomlin chuan 'Holy Roar' chu zalenna, tawnhriat leh Pathian chibai buk ropuina lam a nih dawn thu a sawi a, kohhrante intelkhawma Pathian lama banphar a thinglung taka amah fakna lam a nih thu a sawi.

Christmas Tour hi US-a khawpui lian hrang hrang New York khawpuia Madison Square Garden, Los Angeles, Nashville-a Bridgestone Arena leh Red Rocks-ah te a nei dawn. Nikum lam pawh khan Tomlin hian Christmas Tour hlawhtling tak a lo nei tawh bawk a ni.

Chris Tomlin hi Sound Exchange Digital Radio Award for over 1 billion digital radio streams dawng thei awmchhun a ni a, Billboard Music Award pathum, Grammy Award leh Dove Award 21 dawng thei a ni a, American Music Award, BMI Songwriter of the Year Award leh chawimawina dang tam tak dawng tawhtu a ni bawk.