Music video thar nen R. Lalrinmawii

Praise On 2016-a lawmman pakhatna latu Durtlang nula R. Lalrinmawii Music Video thar 'Lalpa ka rawn pan che' tih chu hmuh theihin a awm thuai dawn.

'Lalpa ka rawn pan che' tih hla hi Madin­mawia phuah niin recor­ding hi Masky Records kutchhuak a ni a, music hi Fela kutchhuak a ni thung. Video hi Gabriel grafix siam niin MDM library-ah dahluh a ni tawh nghe nghe.

Video hi engtikah nge tihchhuah a nih dawn hriat la ni chiah lo mah se Zonet leh YouTube lamah kan hmu thei thuai dawn a, Arini zai ngainatute tan thil chuan nghahhlelhawm tur tak a ni. Kumina a music video tihchhuah hmasak ber tur a ni bawk.

'Lalpa ka rawn pan che' tih hla hi Peter-an Isua a phat hnua a inchhir lehna behchhana phuah a ni a, a hla thu pawh a ṭha hle a ni.