Christina Aguilera-i'n Canadian Tour a Ṭhulh

Christina Aguilera chuan Ningani khan a Twitter-ah Canada-a Orillia, Ontario-a a tour neih tur chu a ṭhulh thu a puang.

Aguilera-i hian Libera­tion tour a nei mek a, a aw a chhuah theih loh avangin tour hi a ṭhulh thu a post a ni.

Genie in a Bottle singer chuan a aw a chhuah theih loh thu sawiin tour ṭhulh a ngai chu hrehawm a tih thu a sawi a, doctor thupek angin a chawlh hahdam hrih dawn thu a sawi.

Tour a ṭhulh thu a post hnu lawkah hian a fan te support-na avanga a lawm thu sawiin Ontario-ah pawh chuan tour neih leh ngei a tum thu sawiin tour neih ni tur pawh an ruat leh vat dawn tih a post zui leh a ni.

Aguilera-i chuan Onta­­rio-a tour neih chu a nghah­hlelh thu post in stage-a kir leh vat a chak tawh thu a Twitter-ah chuan a post bawk.

Christina Aguilera hian US-ah ringawt pawh show 16 neih a la hmabak a, a aw a chhuah theih hrih loh avang hian a chawlh hrih a ngai dawn a ni.