Elevation Worship-in Pat Barrett thawhpuiin hla thar tichhuak

GMA Dove Award eng emaw zat dawng tawhtu, Billboard Christian songs chart lama che ṭha ṭhin tak Elevation Worship chuan Pat Barrett thawhpuiin Zirtawpni liam ta khan hla thar 'This Is The Kingdom' an tichhuak.

'This Is The Kingdom' hi an studio album tihchhuah tur LION-a mi tur niin he album aṭanga an single pathumna hi a ni tawh a, an album thar hi March 4 hian an tlangzarh dawn a ni.

Elevation Worship hla thar hi Bible thu behchhana an siam niin Mathaia 5 behchhana hla an phuah a ni a, YouTube lamah pawh live video dahchhuak tawhin Worship music ngainatute tan chuan ngaihven thuai chi a ni ang.

Elevation Worship member Chris Brown chuan an album thar tura a hla duh ber zinga mi a nih thu a sawi a, an record zan chu zan nuam tak a nih thu leh miin an ngaithla thei ta chu lawmawm a tih thu a sawi.

An album thar tur LION-ah hian hla 15 a awm dawn a, April 26 hian spring arena tour an nei dawn bawk a ni.

Contemporary worship music band Elevation Worship hi studio album pariat an tihchhuah tawh bakah live album 11 an tichhhuak tawh a, LION hi live album tur niin an live album 12-na tur a ni.