Michelle Varte 'Nachhawkna' a chhuak ta

Mizo lengzem singer hmeichhe zinga lawm hlawh ber pawl leh chuai thei lo Michelle Varte 'Nachhawkna' music video chu Zirtawpni liam ta khan a chhuak ta.

'Nachhawkna' hi Mizo lengzem hla mawi tak tak phuah tawhtu Mapuii Fanai & John Mawitea-te phuah a ni a, anni hi hun eng emaw chen an reh hnuah Michelle Varte hian an hla phuah hi mawi takin a rawn sa a ni.

Michelle Varte music video thar hi hmuh a nuam lehpek a, amah a zei bawk nen thlir manhla tak a ni. Music leh video chu retro lam hawi ruih a ni a, thlira ngaihthlak a manhla hle.

Recording chu Kings and Prophets-ah tiin music mawi tak chu Mangheta kut chhuak a ni a, Moonshine Studios chuan video an siam thung.

'Nachhawkna' music video hi YouTube lamah leh Zonet lamah tihchhuah a ni tawh a, nimin thleng khan mi nuai dawnin YouTube lamah an thlir tawh a ni.