'Barbie' film-a inlan tur Kate McKinnon

'Ghostbusters' star Kate McKinnon chu 'Barbie' film-ah a chang ve dawn a, tu lemah nge a chan dawn tih erawh puanzar a la ni lo.

'Barbie' film-a chang tur hi eng emaw zat puanzar a ni tawh a, Margot Robbie chu changtunu ber tur niin Ryan Gosling chu Ken lemah a chang dawn a, 'Shang-Chi and the Legend of the Ten Rings' actor Simu Liu pawh hmanni lawk khan he film-ah hian a chang dawn tih tarlan a ni tawh a, ani pawh hi a channa tur role an la puangzar lo a ni.

Warner Bros chuan 'Barbie' film hi an siam dawn a, a changtu turte pawh milar tak tak vek an ni dawn tih a chiang ta. Greta Gerwig leh Noah Baumbach-te chuan script ziakin film tlangzarh hun tur leh chan ṭan hun tur pawh an la sawi lang lo a ni.