'A Quiet Place Part III' an sawi ri leh tawh

'A Quiet Place Part III' chu siam a ni dawn tih leh hma an la ṭan tawh tih a chiang ta.

Director leh a changtu zinga mi ni bawk John Krasinski chuan hemi chungchang hi kartir lamah khan a sawi chiang a, kum 2025-a tlangzarh hman an tum tih pawh a sawi bawk.

John Krasinski chuan film siam tura hmalak a nih thu ringawt a la sawi a, amah hian a direct leh dawn em tih pawh hriat a la nih loh bakah script ziaktu tur pawh tarlan a la ni lo. Hetihlai hian Krasinski bawk hian a direct leh erawh rin a ni thung.

'A Quiet Place' film hmasa ber kha kum 2018-ah tlangzarh niin a hlawhtlin bakah a lar hle a, nikum lamah khan hrileng karah a chhunzawmna tihchhuah leh niin Covid-19 vangin theatre tam tak khar mah se sum a lalut hnem hle tho a ni. Kum 2023 hian a spinoff 'Pig' tih chu tihchhuah an tum bawk.