Facebook hacker an che nâ

Social media giant Facebook chuan hacker ten account maktaduai 29 an hack thu an puang a, a tam zawk chu an email leh phone number hmanga khawih sak an nih thu an tarlang leh ta.

Facebook hian har­sat­­na hrang hrang an tawk a, a him tawk lo tih chu sawiselna tam ber a ni. Chu chu a takin a langchhuak leh ta a, account mak­taduai 29 zet chu hack a nih tawh thu company chuan an tarlang.

Company chuan hac­ker te chetna hian account maktaduai 50 vel a nghawng tih an sawi a, chung zinga a zah ve aia tam zawk chu finfiah a nih tawh thu an sawi.

Hacker te hian ac­count te hi email leh phone number hmangin an khawih ber tih sawiin, personal information ṭha­hnem tak ruk chhuak a nih thu an tarlang. Hetih lai hian an hnuaia awm WhatsApp leh Instagram te chu a nghawng loh thu an tarlang a ni.