Ariana Grande leh Pete Davidson an inṭhen

Thla nga vel awrh an inzui hnuah Ariana Grande leh Pete Davison te chu an inṭhen ve leh ta niin, khawthlang media te chuan an tarlang.

American singer Ariana leh fiamthu thiam Pete te hi kumin May thla aṭang khan an inzui ṭan a, an daih rei lo hle. Mipui hmuhah an inzui chhuak nasa hle a, innei mai tur ang hiala ngaih an ni hman. Mahse fan te beisei erawh a thleng dik dawn ta lo niin a lang a, an inṭhen thu a darh ta chuai chuai zawk a ni.

Hetih lai hian Ariana Grande fans ṭhenkhat chu lawm avangin an zuang a, Pete nen an inṭhen hi an lawm hle! American comedian Pete Davidson hi an ngaina vak lo a nih hmel a, social media lamah lawmthu sawina te an tarlang hial a ni.

Ariana Grande hi hma­ngaihna lamah a vanduai ve hle a, a bialpa hlui Mac Miller chu September thla khan a boral. Hun rei tak a lo zui tawh a nih avangin a tuarna ve hle niin a lang a, Pete Davidson hmai pawh a zahzo lo lek lek niin an sawi.

Hetiang boruak karah hian Saturday Night Live comedian Pete Davison nen an inṭhen zui ve leh ta a, Pop star Ariana Grande ke chheh a fuh thei rih meuh lo a ni.