Michael Buble-a'n zai a chawlhsan

Canadian singer Michael Buble chuan a fapa cancer avangin rimawi khawvelah a inhmang zui tawh dawn lo tih a sawi.

'Haven't Met You Yet' hitmaker Michael Buble chuan, "Chhungkaw tan hun tam zawk hman ka duh a, music chawlhsan a ngai a ni," a ti. Michael a fapa kum nga mi Noah chu kum hnih kalta khan a cancer tih hriatchhuah a ni a, hei hian a nun nasa takin a thlak a ni.

Kum 43 mi Michael Buble chuan, "Music khawvel chhuahsan turin thutlukna ka siam a, ka chanchin hi chanchinbu-ah chhiar tur a awm zui dawn tawh lo a ni. Social media pawh ka hlamchhiah a ṭul dawn a, ka nupui fanaute tan hun tam zawk hman ka duh a ni," a ti. Buble hian a nupui Luisana Lopilato leh an fate pathum chu a dah pawimawh ber an nih thu a sawi uar hle a ni.