Priyanka & Nick Jonas ; Jodhpur-ah an inkutsuih dawn?

Chanchin sawi tur ngah tak - Indian actress Priyanka Chopra leh American singer Nick Jonas te chu thla leh khian Jodhpur-ah inkutsuih dawn niin an tarlang.

Priyanka leh Nick Jonas te hi July thla khan an inhual a, an chhungte pawhin an pawmpui tawh. Inhualna hi Mumbai-ah urh­sun takin an nei a, in­neih­na pawh hi India-ah buat­saih leh an tum niin an sawi.

New York-ah an in­hual niin an tarlang a, an chhung te leh an ṭhian ṭha te pawhin an lawmpui thu an sawi niin an tarlang. Hetih lai hian an mahni lam chuan thuchhuah an la siam lo a, an inhual ngei em tih ala hriat loh!

An inneihna hmun tura an ruahman pawh Jodhpur-a 5-star hotel, Umedh Bhawan Palace niin an sawi. He hmun hi tun hnai khan an lo tlawh dun tawh bawk a, mi 200 vel an leng dawn a ni.

American singer Nick Jonas (26) leh Indian actress Priyanka Chopra (36) te hi kumin May thla aṭang khan an inzui ṭan a, a hnu lawkah an inhual thu a thang leh nghal zat bawk a ni. An inhual hnu hian innei mai tur anga sawi an ni fo a, an mahni lam chuan thuchhuah an la siam lo thung a ni.