Bryan Adams-a'n Delhi boruak Bawlhhlawh a ngaimawh!

Canadian singer-songwriter Bryan Adams chuan Pathianni khan Delhi-ah concert a nei a, boruak bawlhhawh lutuk chu a ngaimawh thu social media lamah a tarlang!

Bryan Adams hian a concert chhimtu mipui pungkhawm te thlalak chu Instagram-ah a post a, caption-ah a thil hmuh leh hriat chu mak a tih thu a sawi. Canadian veteran singer chuan, "Hetiang thil hi ka la hmu ngai lo" a ti te te a; "Magic a ni!" tiin mak a tih thu a tarlang a ni.

Bryan Adams chuan, "Thlalak hi ngun takin en ula, meikhu leh boruak bawlhhlawh karah khian ka hlimthla in hmu thei ang," a ti bawk. Delhi boruak bawlhhlawh leh zing nasa lutuk chu manganthlak a tih thu a sawi uar hle a ni.

Chutih rual chuan Candian singer hian India rama amah ngaisangtute chu fakin, an inpekna chu ropui a tih thu a sawi. Kum 58 mi Adams hian tour a nei mek a, India khawpui panga-ah concert hi a nei dawn a ni.

World Health Organisation (WHO) data aṭanga a lan dan chuan India khawpui te chu boruak bawlh­hlawh lamah khawvelah parukna an ni a, Delhi hi chung zingah chuan a nasa ber te zinga mi a ni bawk.