Microsoft co-founder Paul Allen a thi

Technology company lar Microsoft dintu zinga mi Paul Gardner Allen chu Thawhṭanni khan cancer natna avangin a thi a, kum 65 mi a ni.

American sumdawng hausa Paul Allen thih thu hi a company din Vulcan Inc. chuan an puang a, "Paul Allen chuan cancer natna a hneh zo ta a lo a ni," tiin, 2009 aṭanga cancer natna avanga enkawl Paul Allen thih thu an tarlang.

Paul Allen hi naupan tet aṭnga Bill Gates nena inṭhian ṭha tak an ni a, 1975 khan Microsoft hi an din a ni. Paul Allen hian sulhnu ropui tak tak a hnutchhiah a, Vulcan Inc. a din bakah, Seattle Seahawks leh Portland Trail Blazers leh neitu a ni bawk.

A hausakna hi $tld 20.2 zet niin, chenna tur in nei lo, environment humhalh leh scientific research lamah te a sum ṭhahnem tak a thawh a ni.