Fela Colney hla thar a chhuak hnai

'Tunlai Nula' a tihchhuah hnuah a reh deuh vang vang a, mahse tunah chuan thawm a rawn nei leh ta. Fela Colney chuan hla thar dangdai tak mai 'Pu Ralliantawna Kha' chu a tichhuak dawn.

'Pu Ralliantawna Kha' hi a hla thupui a dangdai viaunaa chu Lalhmangaiha (MALTA) phuah a ni miau a, a dangdai hi a mak hran lo thung. A hla phuahtu leh satu en hian a mawi a rinawm a, ngaihthlak a manhla viau ang.

Fela chuan, "Music video ka siam apianga a hming lang ngei ngei ṭhin, Hruaia CZ bawkin music min siam leh a ni," tia sawiin recording erawh Foster lama a tih thu a sawi. Video chu Tea Video Production kut chhuak a ni thung.

'Pu Ralliantawna Kha' hi tunkar chhung hian Zonet lamah tihchhuah hman Fela hian a tum a, YouTube lamah pawh duh hun huna hmeh chhuah theih turin tunkar chhung ngeia dah hman a tum bawk.