Stranger Things 4 Tlangzarh hun tur chu...

Stranger Things fan-te tan inrin a hun e. Kar hmasa khan Stranger Things creator- Matt leh Ross Duffer-te leh Netflix chuan thuchhuah siamin Stranger Things 4 chu May 27 hian Netflix chuan a tlangzarh dawn tih an tarlang.

Mahse...
Stranger Things 4 hi a rualin an tichhuak vek dawn lo.

Volume pahnihah an ṭhen a, Stranger Things 4 Volume 1-ah chuan episode panga awmin May 27 hian a en theih dawn, Stranger Things 4 Volume 2 erawh July 1-ah an tlangzarh dawn thung a, episode pali a awm ang.

A la tawp mai dawn lo
Stranger Things siamtute'n an kalphung an thlak avang hian a la tawp mai dawn lo. Season 4-ah hian Stranger Things hi tihtawp an tum lo. Stranger Things 3 an tihchhuah hnu kum thum zetah season 4 hi tichhuak chauh mah se, season dang pakhat tichhuah an la tum.

Stranger Things 5-ah a main line chu a hmawr bawk an tum tawh. Mahse chutah pawh chuan tawpsan mai an la tum chuang lo. Duffer Brothers chuan spin-off siam an tum thu an lo sawi lang tawh bawk a ni.

American science fiction horror drama television series Stranger Things hi July 15, 2016 khan Netflix-ah tihchhuah ṭan a ni a, 1980's hunlaia thilthleng anga chan a ni. Tunah hian season pathum tichhuak tawhin episode 25 an tichhuak tawh.