Redmi Note 11S India ramah zuar chhuak ṭan

Redmi Note 11S chu nimin chhun aṭang khan India ramah zawrh chhuah ṭan a ni.

Chinese smartphone brand lar phone hi Mi.com bakah Amazon lamah lei theihin an chhawp chhuak a, 90Hz AMOLED display neiin MediaTek Helio G96 chipset a hmang bawk. 5,000mAh battery leh 33W Pro fast charging a hmang bawk a, 6GB RAM + 64GB storage variant chu Rs. 16,499 man niin 6GB RAM + 128GB storage variant chu Rs. 17,499 man a ni thung. Variant sang ber 8GB RAM + 128GB chu Rs. 18,499-in an zuar bawk a ni.

Redmi Note 11S hi rawng chi hrang pathum - Horizon Blue, Polar White, leh Space Black-te an siam a, Bank of Baroda Bank card leh EMI hmang chuan an zawrh chhuahna aia Rs. 1000-a tlawmin a lei theih thung.

Redmi Note 11S Key Specs:-
Display 6.43-inch
Processor MediaTek Helio G96
Front Camera 16-megapixel
Rear Camera 108-megapixel + 8-megapixel
+ 2-megapixel + 2-megapixel
Battery Capacity 5000mAh
OS Android 11
Resolution 1080x2400 pixels