BET Hip Hop Award sem a ni ta
Kumtina sem ṭhian BET Hip Hop Award chu Ningani zing khan Florida-ah sem a ni ta a, Cardi B chu mimala langsar ber a ni.
American Hip-Hop star Cardi B hian award ngaihlut hlawh tak tak - MVP of the Year, Sweet 16: Best Featured Verse, Made-You-Look Award leh Hustler of the Year te a dawng a, Canadian rapper Drake leh Kendrick Lamar te an langsar viau bawk.
Drake hian Hot Ticket Performer award a dawng a, Kendrick Lamar kutah Lyricist of the Year award hlan a ni bawk.
The Carters an tih mai Beyoncé leh Jay-Z te chuan chawimawina ngaihlut hlawh tak tak - Best Collabo, Duo or Group, Album of the Year leh Single of the Year te an dawng a ni. Pharrell Williams leh DJ Khaled te chu award dawng zingah an tel bawk.
BET Hip Hop Award Winner Ṭhenkhat
Best Hip-Hop Video : Childish Gambino
Hot Ticket Performer : Drake
Album of the Year : The Carters
Video Director of the Year : Karena Evans
Lyricist of the Year : Kendrick Lamar
MVP of the Year : Cardi B
Producer of the Year : Pharrell Williams
Best New Hip Hop Artist : XXXTentacion
DJ of the Year : DJ Khaled
Made-You-Look Award : Cardi B
Hustler of the Year : Cardi B