Justin Bieber-a'n Pressure a ngah

Canadian singer Jus­tin Bieber chuan hun eng emaw chen hla thar a tichhuah tawh loh avangin a chungah pressure a nasa hle niin a sawi a, chutih rual chuan music lam luhchilh turin a la inpeih lo tih a sawi.

'Baby' singer Bieber chua,"Fan te an zah­awm duh khawp mai, keipawhin hla thar tihchhuah thuai ka duh. Chutih rual chuan keimah lam ka la inpeih lo a, chawlh ka la mamawh rih a ni," tiin a sawi.

Kum 24 mi Justin Bieber hi American mo­del Hailey Baldwin nen an inzui ngawrh hle a, music lam pawh a buaipui hman meuh lo. Hetiang karah hian fan ten a lakah beiseina sang tak an neih bawk si avangin amah pawh a buai ve hle a ni. JB-a chuan,"Music khaw­velah ka lo kir leh thuai dawn a, tour nei turin ka inbuatsaih zui dawn a ni," tiin, fan te thlamuanna thu a sawichhuak.

Justin Bieber hian album pawh a tichhuah lohna a rei ta viau a, 2015-a 'Purpose' album kha a hnuhnung ber a ni.