AGT 'star' Nightbirde a thi

NBC 'America's Got Talent' contestant Jane Marczewski, a stage name Nightbirde tia hriat lar tak chu cancer vangin kum 31 mi niin a thi.

Jane Marczewski thih thu hi a chhungte chuan puangzarin kum li lai a cancer hnuah Inrinni liam ta khan a thi ta tih an sawi.

Nightbirde hi nikum America's Got Talent, Season 16-ah khan inlanin ama hla phuah ngei 'It's Ok' tih chu a sa a, chu hla hmang chuan khawvelin a hmelhriat ta a ni. Chu hla a sak ṭum chuan judge-te hnenah a cancer thu leh a chuap, a hnungzang leh a thin thlengin a darh vek tawh tih a sawi nghe nghe a, chutiang chunga intihsiakna lian taka a la tel chuan mi thinlung a hneh hle.

A zai leh a eng zawnga thil a thlir thiamna chuan judge Simon Cowell pawh hnehin 'golden buzzer' hial a dawng a, a hla 'It's Ok' chu iTunes lamah No.1 hialte a nih bakah YouTube-ah pawh hla trending ber dawttute hial a ni hman. Mipui lawm ber zinga mi ni mah se; a natna avang chuan AGT quarterfinal-ah chuan a inlan thei ta lo a ni.