Cate Blanchett-in Chaplin Award dawng dawn

Australian lemchan thiam, Oscar vawi hnih lai dawng tawh Cate Blanchett chuan 47th Chaplin Award a dawng dawn.

Chaplin Award hi Film at Lincoln Center award sang ber niin April 25 hian Lincoln Center Alice Tully Hall-ah hlan a ni ang.

Kum 52 mi Blanchett hi Chaplin Award dawng thei zinga naupang ber dawttu a ni dawn a, Kum 2009-a Tom Hanks kuta an hlan ṭum khan Hanks kha kum 52 mi tho a ni a, mahse Blanchett aiin ni 38-in award a dawn laiin a naupang zawk a ni.

Chaplin Award hi kum 1972 aṭang khan sem ṭan niin Diane Keaton, Meryl Streep, Tom Hanks, Sidney Poitier, Barbra Streisand, Robert Redford, Morgan Freeman, Robert De Niro leh Spike Lee-te pawh dawng tawh zingah an tel.

Cate Blanchett hian a lemchan thiam avangin chawimawina a dawng nual tawh a, Academy Awards pahnih a dawn tawh bakah British Academy Film Awards pathum, Screen Actors Guild Awards pathum leh Golden Globe Awards pathum a dawng tawh a ni. 'Thor: Ragnarok' star hi tunah hian 'TAR' film-ah a chang mek a, kumin kum tawp lamah he film hi tlangzarh hman an tum. Kumin chhung hian 'Pinocchio' film-ah a chang dawn a, hei bakah hian 'Borderlands' film-ah pawh a inlan dawn bawk.