Comedian Search hmawr bawk a hnai
ZIPRO LPS Comedian Search chu a hmawr bawk a hnai ta a, show ṭum hnih chiah a awm ta. October 19 zanah final thawh khatna neih a ni ang a, October 26 zanah a hmawr bawk a ni ang.
October 16, Thawhlehni zan khan show neih niin, mi 10 an in lan. Mi 10 te hian minute thum chhung fiamthu an thawh a, 'Battle Round' a awm bawk. 'Battle Round' ah hian mi pahnih zel an inkawp a, show hmuhnawm tak an en entir a ni.
Top 10 te intihsiak result hi Inrini zan hian puan a ni dawn a, a tling te hi final-ah an inlan thei tawh dawn a ni. Final lut tur zat hi hriat a la ni lo a, contestant ṭhat dan a zirin judge ten thutlukna an siam dawn a ni.
Final-ah hian ṭum hnih an intihsiak dawn a, October 26, Zirtawpni zanah result hi puan a ni ang a, lawmman sem nghal a ni ang.