Harper's Bazaar mawitu tur Hailey Baldwin

American fashion magazine lar Har­per's Bazaar chuan November issue, cover girl atan Hailey Baldwin an hmang dawn.

American model Hailey Baldwin thlalak hi social media lamah hmuh tur a tam hle a, magazine-ah hian Justin Bieber nen an chanchin pawh chhiar tur a awm dawn a ni. Baldwin hian interview-ah JB-a nena an chanchin eng emaw zat a sawi chhuak a, mipui beng a verh hle a ni.

Model kum 21 mi chuan, "Justin Bieber hi mi danglam tak a ni a, a kianga hun hman hi a nuam tak zet a ni. Ani nena kan inhual thei hi ka inchhuang a, ka hun tawna ropui ber a ni," tiin a sawi. Canadian singer Justin Bieber leh American model Hailey Baldwin te hi July thla khan an inhual a, tun hnaiah innei tawh ni awmin an thang nasa hle.

Khawthlang media te chuan an inneih thu hi a chiang niin an sawi a, chutih rual chuan anmahni lam chuan thuchiang engmawh an la sawi chhuak rih lo thung.