BTS leh Big Hit Entertainment te thawkho zel dawn

South Korean enter­tainment company lar Big Hit Entertainment leh Korean boy band BTS chuan inremna an siam a, kum 2026 thleng an thawkho dawn a ni.

BTS leh Big Hit Entertainment inremna hi nakkum khian a tawp tawh dawn a, contract a zawh hmain kum sarih dang atan inremna an siam thar leh ta a ni. BTS hian Big Hit Entertainment hnuaiah hian an single album hmasa ber '2 Cool 4 Skool' chu 2013 khan an tichhuak a, hlawhtlinna an chang zui nasa hle.

Asia mai ni lo khawvel huapa an lar hnuah BTS ten Big Hit Entertainment hna thawh an hrereng a, hun rei zawk atan inremna an ziak leh ta a ni. Hemi chungchangah hian BTS member - RM, Jimin, Jin, Suga, J-Hope, Jungkook leh Vte chuan thuchhuah an siam a, Big Hit founder Bang Si-Hyuk chungah lawmthu an sawi bawk.