Nick leh Priyanka inneih hun tur a chiang?

American singer Nick Jonas leh India chhul­chhuak Priyanka Chopra te chanchin hian ngaihven a hlawh a, innei mai tur anga sawi an nih fo avangin mipuiin an ngaihven leh zual a ni. Thu thar berah chuan November 30 hian Jodhpur-ah 'Tiam tlat e' an tidawn niin an tarlang.

Priyanka leh Nick Jonas te hian Jodhpur-ah inkut­suih an tum tih thawm a lo awm tawh a, tunah chuan a ni nen lam an tarlang leh ta chuai chuai mai a ni. November 30-ah an innei dawn a, December 2 thleng an lawm dawn niin an tarlang mauh mai. Ropui thei ang bera lawm an tum a, a hmun atan pawh Jodhpur-a 5-star hotel, Umedh Bhawan Palace an thlang niin an sawi.

Priyanka leh Nick Jonas te hi an chhung te hriatpuinain July thla khan an inhual a, innei zui mai tura ngaih an ni. Chu chu a takin a thleng dawn ta niin a lang a, an mahni lam erawhin thuchhuah an la siam lo thung a ni.

American singer Nick Jonas (26) leh Indian ac­tress Priyanka Chopra (36) te hi kumin May thla aṭang khan an inzui ṭan a ni.