Hla thar nen Cher Lloyd a lo kir

English singer Cher Lloyd chu hun eng emaw chen a reh vang vang hnuah hla thar nen a lo kir leh ta. A hla thar hi 'None Of My Business' tih a ni a, kar kalta Zirtawpni khan a tichhuak a ni.

Cher Lloyd hian ama puala hla a tihchhuah hnuhnun ber chu 2016 daih tawh kha a ni a, a thawm a reh zui vang vang a ni. June thla khan music khawvelah a zuanglut leh ṭan a, Swedish producer Joakim Molitor nen thawk dunin '4U' an tichhuak dun a ni.

Thla tam pawh a liam hmain single thar a tichhuak zui leh ta zat a, fan te chuan chanchin lawmawm tak a ni ngei ang. 'Want U Banck' singer hi Universal Music Group chuan September thla khan inremna an ziahpui a, hemi ṭum hian single thar a tihchhuah tur hi a lo sawi lawk tawh a ni.