DJ Snake 'Taki Taki' a hit
DJ Snake, Ozuna, Cardi B leh Selena Gomez te an thawhho miau avangin an thawm a lian lo thei lo a, beisei ang ngeiin an hla 'Taki Taki' pawh a hit a ni. Official music video hi October 9 khan YouTube-ah upload a ni a, mi maktaduai 100 chuang zetin an view tawh.
'Taki Taki' hi music video chhuak tawh zingah chuan en hlawh ber te zinga mi a ni a, viewer maktaduai 100 neih tlin hma lamah top 10-ah a lang a ni. Kumina music video tlangzarh tawh zingah pawh top 5-ah a lang phak a, heti zat viewer nei tur hian hun a mamawh rei lo hle.
Hetih lai hian Korean boy band BTS chu YouTube lama che ṭha ber an ni a, an music video 'Idol' chu viewer mtd 100 nei tling tura hun mamawh rei lo ber an ni. Childish Gambino chu pahnihna-ah awmin, pathumna chu Nicky Jam x J. Balvin te an ni.
American rapper Eminem chu palina a ni a, DJ Snake 'Taki Taki' ft. Selena Gomez, Ozuna, Cardi B hi panga-na a ni.