AP thingtlang mi ten zángnadawmna dawng

India leh China te indona avanga Arunachal Pradesh-a thingtlang mite chuan kum 56 zet liam hnuah zángnadawmna an dawng. West Kameng district-a chengte pawisa dawn hi cheng vaibelchhe 40 dawn a ni.

India leh China te indona avang khan AP-a thingtlang mi tam tak chuan an ram an chan a, India sorkar chuan ṭanhmun khawh nan a hman sak a ni. Heng hmunah te hian bunker te siam a ni a, sipai ten an hmun pawimawh atan an hmang zui a ni.

Heng ram neitute hnenah hian hun rei tak chhung chu zángna­dawmna pek a ni lo a, kum 56 zet liam hnuah pek an ni ta chauh a ni.

Union Minister of State for Home Kiren Rijiju chuan kar kalta Zirtawpni khan AP hi a tlawh a, Chief Minister Pema Khandu chuan a lo dawngsawng a ni. Chief minister chuan West Kameng district-a thingtlang mi eng emaw zat hnenah zángnadawmna hi sem a ni a, a vai hian cheng vaibelchhe 37.73 vel zet a ni.