Lana Del Rey A hlauthawng hnuhnawh!

American singer Lana Del Rey chuan kumin February thla-a Orlando-a a concert ṭuma thil thleng chu a ngaituah chianin a hlauthawng leh hnuhnawh tih a sawichhuak mauh mai.

Lana Del Rey hian kumtir lam khan Orlando-ah hian concert a nei a, kum 43 mi Michael Shawn Hunt chu a concert-na pawn lamah a chemte ken lai nen man a ni. He thil thleng hian mipui a tiral khel hle a, Del Rey ngei pawhin a ngaituah chian hnuah a hlau hle tih a sawichhuak a ni.

Michael Shawn Hunt hi man a nih hnuah a chungthu ngaituah a ni a, kum khat lungin tang tura tih a ni. Thiam loh chantir a nih thu hi kar kalta Zirtawpni khan puan a ni a, hemi chungchang hi Del Rey chuan social media lamah a tarlang a ni.

Kum 33 mi chuan, "Orlando-a thil thleng khan min ṭhawng hle a, mipuite pawh a tichiai hle a nih kha. Kha thil thleng kha a hnua ka ngaituah let hian ka hlauhna a zual a, a pawi ka ti tak zet a ni," tiin, a concert-a thilthleng chu pawi a tih thu a sawi.