Artist of The Week Lady GaGa

'A Star Is Born' star Lady Gaga chu Billboard chuan Artist of The Week atan an thlang.

American singer hian music khawvelah hun eng emaw chen thawm a neih loh hnuin, romance film 'A Star Is Born' sound track hmangin a rawn invawrh chho leh mek a ni. Mi bik a nih zia a lo pholan tawh ṭhinna rimawi hmangin mipui a awi leh mek a, Artist of The Week dinhmun hial a rawn luah leh ta a ni.

A Star Is Born-a a single 'Shallow' chu Billboard Hot 100-ah top 5 a kai a, Digital Songs chart-ah a zawnin kar hnih chhung dinhmun sang ber a luah tawh bawk. A hla hi Ireland, Hungary leh Scotland lamah pawh a hit hle a, top chart-ah a lang pha vek a ni.

'Bad Romance' singer hian a studio album parukna tur a buaipui mek bawk a, fan te tan chuan lawmna tur hlir a ni. A album title tur hi a la puangzar lo a, nakkum lama tlangzarh tur a ni.

Lady Gaga hi MGM Park Theater-ah a inbengbel leh mek a, December thla aṭang hian a inlar leh ṭan dawn a ni.