Mizo nula kut chhuak lehkhabu - 'When Blackbirds Fly' Penguin Random House publish chu...

Hannah Lalhlanpuii lehkhabu ziah 'When Blackbirds Fly' chu February 14 khan tlangzarh a ni a, tunah hian Amazon leh Flipkart lamah lei theihin a awm tawh.

He lehkhabu hi Duckbill Books-in Penguin Random House India hnuaiah an publish a ni a, Hannah-i chuan JNU Professor pakhatin a manuscript 'Penguin Random House' hnena a thawn hnuah anni lamin ṭha tiin an publish sak ta tih Vanglaini a hrilh.

'When Blackbirds Fly' hi Children/Young Adult category-ah dahin he lehkhabu hi fiction niin kum 20 chhung zet Mizoramin zalenna a sual hunlai anga ziah niin Mizoram chanchina dai ngai tawh lo tur kum 1966-a Aizawl bomb a nih chungchang pawh ziahlan a ni. Buaina lian tak chhuakina mi duhthusam leh nun a nghawng nasat zia tarlanna lehkhabu a ni bawk.

Duckbill Books chuan 'When Blackbirds Fly' hi 'Not Our War' series-ah dahin hemi hnuaiah hian buaina kara naupang seilian chanchin ziahna lehkhabu ho an dah a ni.

Copy khat hi Rs. 200 man a ni a, Mizoram chhunga lei duh tan chuan 'The Boon Cafe Aizawl' leh Instagram lama 'LEHKHABÛK'-ahte lei theihin a awm ang.