2022 ACM Awards inlan tur puan belh; Carrie Underwood, Eric Church-te an tel

Academy of Country Music chuan March 7-a 57th Academy of Country Music Awards an sem tura inlan tur thawh hnihna an puang chhuak ta a, chutah chuan ACM entertainer of the year dawng tawhtu panga an tel.

Host Dolly Parton bakah Carrie Underwood, Jason Aldean leh Luke Bryan-te chu inlan tur zingah an tel a, anni hi ACM entertainer of the year dawng tawh vek an ni. Kar hmasa lama inlan tur puan chhuah thawh khatnaah khan ACM entertainer of the year lo dawng tawh Thomas Rhett hming pawh a lo lang tel tawh a ni.

2022 ACM Awards hi Allegiant Stadium, Las Vegas-ah sem a ni dawn a, inlan tur 20 chuang an awm dawn tih a buatsaihtu lam chuan an puangzar tawhin Dolly Parton chu host a nih dawn bakah Barrett leh Allen-te chu co-host an ni dawn bawk.