Avril Lavigne album thar 'Love Sux' a chhuak ta

Avril Lavigne chuan nimin khan a studio album pasarihna 'Love Sux' a drop

Canadian singer Avril Lavigne hian kum thum lai album thar a tichhuak tawh loa, kum 2019-a 'Head Above Water' a tihchhuah hnua a studio album hmasa ber 'Love Sux' chu nimin khan a tlangzarh a, streaming platform hrang hrangah ngaihthlak theihin a awm tawh.

Blink 182 drummer Travis Barker DTA Records kaltlanga a vawi khatna atana a album tihchhuahah 'Love Sux'-ah hian hla 12 a awm a, artist lar dang a thawhpui nual. 'Bois Lie' hlaah Machine Gun Kelly nen an thawkdun a, 'All I Wanted' hlaah Blink-182 bassist-singer Mark Hoppus chu thawhpui bawkin producer-songwriter Blackbear chu single-a a tihchhuah tawh 'Love It When You Hate Me'-ah a thawhpui bawk.

Pop-punk princess Avril hian Billboard hnenah a album thar tur chu pop-punk record, rock-and-roll record nise a duh thu a lo sawi tawh a, "Piano ka duh lo, ballads pawh ka duh lo. Rock tawp mai ka duh," tiin a album thar chungchang hi a lo sawi tawh a ni.

'Love Sux' a tlangzarh hma hian he album-a hla pahnih 'Bite Me' leh 'Love It When You Hate Me'-te chu single-in a tichhuak tawh a, tunah erawh album-a hla zawng zawng ngaihthlak theihin a awm tawh a ni.

'Love Sux' album-a hla awmte:-

1. Cannonball

2. Bois Lie (featuring Machine Gun Kelly)

3. Bite Me

4. Love It When You Hate Me (featuring Blackbear)

5. Love Sux

6. Kiss Me like the World Is Ending

7. Avalanche

8. Déjà vu

9. F.U.

10. All I Wanted (featuring Mark Hoppus)

11. Dare to Love Me

12. Break of a Heartache