IFPI 2021 Global Recording Artist of the Year BTS

International Federation of the Phonographic Industry (IFPI) 2021 Global Recording Artist of the Year award chu Ningani khan K-pop group BTS in an dawng.

BTS hian nikum lamah pawh khan he chawimawina hi an lo dawng tawh a, a zawna kum hnih chhung IFPI Global Recording Artist of the Year award dawng thei awmchhun an ni nghe nghe.

IFPI Global Recording Artist of the Year award a zawna kum hnih dawng thei awmchhun an ni.

BTS hian IFPI 2020 Global Recording Artist of the Year award pawh an lo dawng tawh a, a zawna kum hnih he award dawng thei hi an la awm lo. Taylor Swift leh Drake-te pawhin he chawimawina hi vawi hnih an dawng tawh tho a, mahse a zawnin an dawng lo thung.

IFPI chuan digital leh physical music format- streaming leh vinyl zawng zawng pawh telin, khawvel pum huapa che ṭhate hnenah he chawimawina hi an hlan ṭhin tih an sawi a, RM, Jin, SUGA, J-hope, Jimin, V leh Jungkook-te chuan a zawnin he chawimawina hi an dawng ta a ni.

Taylor Swift, Adele, Drake leh Ed Sheeran-te chu top 5-ah an lang a, The Weeknd, Billie Eilish, Justin Bieber, K-pop group SEVENTEEN leh Olivia Rodrigo-te chu top 10-ah an lang ve bawk.