Kumina a vawi hnihna atan John Mayer a Covid leh

A studio album hnuhnung ber hmingchawia 'Sob Rock' tour nei mek. American singer/guitarist John Mayer chuan thla hnih chhunga a vawi hnihna atan Covid-19 a positive leh a, a show ṭhekhat neih hun tur pawh hei vang hian a sawn hla.

Kar hmasa lamah khan a drummer a positive thu a puangzar tawh a, nimin lamah khan Instagram lamah amah mai bakah a band member ṭhenkhatin hripui hi an kai ve leh thu a sawi a ni.

"Thla hnih chhungin PCR test-ah vawi hnih ka positive ta. (A hmasa kha chu a nasa loa, mahse tunṭum erawh chuan min nghawng na ve deuh.) Kan hahchawlh a, kan inhmuhkhawm leh hnuah show kan neih leh turte pawh kan theihna zawng zawng nen kan rawn tihlawhtling leh ang," tiin a sawi a ni.