Box Office ; Sum lalut hnem ber Halloween
Kum 1978 daih tawha an lo tichhuah tawh, tun hnia an siam thar leh Halloween chuan tlangzarh karah $mtd 77 zet lalutin, Box Office-ah record a siam. Halloween hi horror film chhuak tawh zinga tlangzarh kara sum lalut hnem ber a ni.
Jamie Lee leh record
He slasher/thriller film hi October 19 khan tlangzarh a ni a, American actress Jamie Lee Curtis chu a changtu ber a ni. Halloween hian record dang pawh a la siam cheu bawk a, a changtu ber hmeichhia ni chunga tlangzarh kara sumlalut hnem ber a ni. Hei bakah hian kum 55 chung lam channa zinga sum thawk chhuak hnem ber a ni nghal bawk.
Halloween hi October thla chhunga film tlangzarh tawh zinga sum lalut hnem ber dawttu a ni nghal bawk a, a tluk loh awm chhun chu Venom chiah a ni. British actor Tom Hardy channa Venom hian tlangzarh kar khan $mtd 80 zet a laut a, October thla-a film chhuak tawh zingah sum lalut hnem ber record a siam a ni.
A hmun ngaiah 'A Star Is Born'
American actor Bradley Cooper leh singer Laldy Gaga te channa 'A Star Is Born' chuan Box Office-ah a dinhmun ngai, pahnihna a luah leh. 'A Star Is Born' hian sum lakluh tam lamah kar hmasa lama pakhatna luahtu Venom chu a khum a, $mtd19.3 lalut lehin kar tum chhung zet chu pahnihna a luah tawh a ni.
Hetih lai hian Vemon sum lakluh a tlahniam ve thung a, $mtd 18.11 lalutin pathumn a ni. He thriller/science fiction hi October 4 khan tlangzarh a ni a, Box Office aṭanga a sum lakluh tawh zawng zawng chu $mtd 171.13 a ni.
Sum leng vak a tam
North America lama film hit zual zingah - Goosebumps 2, First Man, The Hate U Give leh Smallfoot te an tel a, Night School chu film en hlawh ber ber zingah a la tel cheu bawk. September thla-a tlangzarh comedy film Night School hi top 10-ah a lang zing ta malh malh hle a, a sum lakluh pawh $mtd 66.91 a tling tawh a ni.