Brooke Ligertwood-i'n live solo album 'SEVEN' a drop

Grammy award hial pawh dawng tawh Gospel singer leh worship leader ni bawk Brooke Ligertwood chuan Zirtawpni liam ta khan live solo album 'SEVEN' a tichhuak.

Mi tam takin Hillsong United aṭanga an hmelhriat Brooke Ligertwood album thar hi streaming platform hrang hrangah ngaihthlak theihin a awm tawh a, Zirtawpni vek khan track list-a hla hmasa ber 'Honey In The Rock' live video chu a tichhuak bawk.

'SEVEN' album-a hlate hi amah mai bakah a pasal Scott phuah te a ni hlawm a, Jason Ingram, Pastor Steven Furtick, Brandon Lake leh Phil Wickham-te kut chhuak pawh a awm bawk a ni. He album-ah hian hla pakua awmin Nashville, Tenn-ah live-a an record a ni a, modern worship movement lar tak taka (Hillsong, Bethel, Vineyard, Elevation) musician-te'n he album-ah hian an pui a, tunhnaia single-a tihchhuah pahnih 'Nineveh' leh 'A Thousand Hallelujahs'-te pawh kha he album-a mi hi a ni.

SEVEN Tracklist:-
1. Ancient Gates

2. Banner

3. A Thousand Hallelujahs

4. Communion

5. Nineveh

6. Burn for You

7. Honey in the Rock (feat. Brandon Lake)

8. I Belong to Jesus

9. King Jesus